فوتو: pixabay.com
مەملەكەتتٸك ساتىپ الۋ جوسپارىنىڭ مونيتورينگٸ بارىسىندا تاۋارلاردى ساتىپ الۋ باعاسىن كٶتەرۋ فاكتٸلەرٸ انىقتالدى, دەپ حابارلايدى "ۇلت اقپارات" سىبايلاس جەمقورلىققا قارسى ٸس-قيمىل اگەنتتٸگٸنٸڭ باتىس قازاقستان وبلىسى بويىنشا دەپارتامەنتٸنە سٸلتەمە جاساپ.
مىسالى, دەمالىس ورتالىعى جالپى سوماسى 16 500 000 تەڭگەگە 30 دانا نوۋتبۋك ساتىپ الۋدى جوسپارلاعان. بۇل رەتتە, وسى تاۋاردىڭ مەديانالىق باعاسى 219 000 تەڭگەنٸ قۇرايدى. وسىلايشا, كەسٸپورىن ساتىپ الۋ سوماسىن ەكٸ ەسە ارتتىرعان.
دەپارتامەنت ۇسىنىسى بويىنشا دەمالىس ورتالىعى مەملەكەتتٸك ساتىپ الۋ جوسپارى تارماعىنىڭ باعاسىن قايتا قاراپ, 9 930 000 تەڭگە سوماسىنا بيۋدجەت قاراجاتىنىڭ تيٸمسٸز پايدالانىلۋىنا جول بەرٸلمەگەن.
جالپى سوماسى 2,5 ملن تەڭگەگە 50 مىڭ تەڭگە باعامەن 50 دانا كٶلەمٸندە دوپ ساتىپ الۋدى جوسپارلاعان سپورت كلۋبىنىڭ مەملەكەتتٸك ساتىپ الۋلارىن جوسپارلاۋ كەزٸندە وسىنداي باعا كٶتەرۋگە جول بەرٸلگەن. بۇل رەتتە, تاۋاردىڭ ورتاشا باعاسى 5 900 تەڭگەنٸ قۇراعان.
دەپارتامەنت ۇسىنىسىنان كەيٸن سپورت كلۋبى تاۋاردىڭ ساتىپ الۋ قۇنىن قايتا قاراپ, بيۋدجەتتٸڭ 2 050 000 تەڭگەسٸن ٷنەمدەگەن.
"جىل باسىنان بەرٸ مەملەكەتتٸك ساتىپ الۋ جوسپارلارىنىڭ سىبايلاس جەمقورلىققا قارسى مونيتورينگٸ نەتيجەسٸندە تاۋارلاردىڭ ساتىپ الۋ قۇنى 1,9 ميلليارد تەڭگەگە ازايدى" - دەلٸنگەن ۆەدومستۆو حابارلاماسىندا.
