Foto:© pixabay.com/rauschenberger
Oralda shuǵyl qonýǵa májbúr bolǵan Turkish Airlines ushaǵynyń bortynda jasóspirim qyz qaitys boldy, dep habarlaidy "Ult aqparat" Sputnik Qazaqstan saityna silteme jasap.
17 qyrkúiekte TK 3995 reisi Reseidiń Qazan qalasynan Antaliaǵa ushyp bara jatqan. Biraq ushaq saǵat 12:43-te Oral qalasyna qonýǵa májbúr bolǵan. Óitkeni bortta otyrǵan 17 jastaǵy qyzdyń jaǵdaiy kúrt nashalap ketken.
Batys Qazaqstan oblystyq densaýlyq saqtaý basqarmasy usynǵan aqparatqa sáikes, Mánshúk Mámetova atyndaǵy áýejaidan jedel járdemge saǵat 16:02-de habar túsken. Dárigerler sol jerge 15 minýttyń ishinde barǵan. Biraq 2006 jyly týǵan Tatarstan Respýblikasynyń azamaty qaitys bolǵan. Boijetken DTsP anamnezimen aýyrǵan.
"Bortta 3 dáriger boldy. Olar 45 minýt boiy qyzdyń júregine massaj jasap, jasandy demaldyrǵanymen, nátije bolmady", - deidi basqarma mamandary.
Al kóliktegi politsiia deparatmenti kámelet jasqa tolmaǵan qyzdyń ólimi boiynsha sotqa deiingi tergeý sharalaryn bastady. Boijetkenniń denesinde zorlyq-zombylyq belgileri joq.
Al, borttaǵy týristerdiń aitýynsha, olar jerde eki saǵattai qajetti qujattar ázirlengenin kútken.
16:30-da Boeing 737 Oraldan ushyp ketip, Trabzon qalasyna janarmai quiý úshin toqtaǵan. Ol jerde jolaýshylar áýekemesiniń ekipajy almasqanyn taǵy 2,5 saǵat kútken. Antaliaǵa týrister tek 00:20-da jetken. Negizi ushaq 17:20-da Túrkiia jerine kelip qoiýy kerek bolǵan.
