Oral qalasynda saijai aýmaǵyndaǵy órtengen úidiń ornynan er adamnyń, áiel adamnyń jáne bir balanyń denesi tabyldy, dep habarlaidy "Ult aqparat" QR IIM Tótenshe jaǵdailar komitetine silteme jasap.
«27 qyrkúiek kúni saǵat 02:46-da órtke qarsy qyzmet dispetcherine Oral qalasynyń «Tolqyn» baý-baqsha seriktestiginiń aýmaǵynan órt shyqqany týraly habar tústi. Alǵashqy órt sóndirý bólimsheleri kelgen sátte saiajai úii órtenip jatqan», delingen habarlamada.
35 sharshy metrdi sharpyǵan órt saǵat 06:15-de sóndirildi.
Sol jerden úsh adamnyń denesi tabyldy. Olardyń biri 1961 jylǵy er adam, al áiel adam men balanyń kim ekeni anyqtalyp jatyr.
Órtti aýyzdyqtaýǵa jeke quramnan 14 adam jáne Batys Qazaqstan oblysy TJD 4 tehnikasy jumyldyryldy.
