Oralda sanitarlyq talaptardy saqtamaǵan 11 nysannyń qyzmeti toqtatyldy, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, indetpen kúres kezinde qaladaǵy saýda jáne basqa qyzmet etý oryndarynyń QR bas memlekettik sanitarlyq dárigeri qaýlysynyń talaptaryn buzǵany anyqtaldy.
Atap aitqanda, «Qurylysshy» shaǵynaýdanynda «Solnyshko», «Prodýkty», Gagarin kóshesinde «Radýga», Eýraziia dańǵylynda «Ovoshi-frýkty», «Minimarket» azyq-túlik, D.Qonaev shaǵynaýdanynda gúl dúkeninde, D.Nurpeiisova kóshesinde atele men «Rýslana» shashtarazy, Ábilqaiyr han kóshesinde «Dina» shashtarazy, Eýraziia dańǵylynda «Dostar» kafesi jáne N.Nazarbaev dańǵylynda ornalasqan «Sabina» sán salonynda buzýshylyqtar anyqtaldy.
Kemshilikterdiń deni azyq-túlik ónimderin oramaǵa salmai, ashyq kúiinde satýǵa, adamdardyń kóptep jinalýyna, dezinfektsiialyq quraldardyń, kelýshiler qolyn jýatyn antiseptiktiń bolmaýyna bailanysty bolyp keledi. Sondai-aq birqatar qyzmetkerler maska, qolǵapsyz jumys istegen. Sonymen qatar jumysqa kiriser aldynda qyzmetkerlerdiń densaýlyq jaǵdaiy men qyzýy ólshengeni jónindegi derekter engiziletin jýrnaldyń joqtyǵy belgili boldy.
Budan basqa turǵyndardan «Aiajan» saýda úii, «Altyn alma» jáne «Mihail» bazarlarynda sanitarlyq talaptardyń saqtalmaityny týraly shaǵym túsip, sonyń negizinde tekserýler júrgizildi. Nátijesinde buzýshylyqtar anyqtalyp, is sotqa jiberildi.
Oǵan qosa Oral qalasy taýarlar men kórsetiletin qyzmetterdiń sapasy men qaýipsizdigin baqylaý basqarmasy jeke tulǵalarǵa qatysty QR Ákimshilik quqyqbuzýshylyq kodeksi 462-baby 3-bóligine (memlekettik baqylaý jáne qadaǵalaý organdary (laýazymdy adamdar), memlekettik organdardyń laýazymdy adamdary ózderiniń quzyreti sheginde bergen zańdy talaptardy nemese nusqamalardy, usynýlardy, qaýlylardy oryndamaý nemese tiisinshe oryndamaý) sáikes 30 hattama toltyrdy. Materialdar Oral qalasy mamandandyrylǵan ákimshilik sotyna joldandy.
Basqarma basshysy Mádeniet Tanaýov qazirgi tańda isterdiń qaralyp jatqanyn jetkizdi.
