Oral qalasynda qurylys jumystary kezinde 60 jastaǵy er adamdy topyraq basyp qaldy. Oqiǵa ornyna jetken Tótenshe jaǵdailar ministrliginiń qutqarýshylary zardap shegýshini aman alyp shyqty, dep habarlaidy ult.kz.
TJM málimetinshe, oqiǵa Abai dańǵyly boiyndaǵy qurylys alańynda bolǵan. Irgetasty oqshaýlaý jumystary júrgizilip jatqan sátte 1966 jyly týǵan er adamdy opyrylǵan topyraq basyp, ol ózdiginen shyǵa almai qalǵan.
Oqiǵa ornyna kelgen qutqarýshylar arnaiy quraldardyń kómegimen er adamdy shuńqyrdan shyǵaryp aldy. Keiin ol meditsinalyq tekserýden ótkizý úshin jedel járdem qyzmetkerlerine tapsyryldy.
Zardap shegýshiniń qazirgi jaǵdaiy týraly qosymsha aqparat jariialanǵan joq.
