Oralda politsiiaǵa para bermek bolǵan sheteldik azamat ustaldy, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa 3 qyrkúiek kúni N.Nazarbaev dańǵyly men M.Yqsanov kóshesiniń qiylysynda boldy.
«Skaniia» júk kóliginiń júrgizýshisi, Belarýs eliniń 1976 jylǵy azamaty tyiym salynǵan belgige qaramastan, qalaǵa kirgen.
Sheteldik azamat QR Ákimshilik quqyqbuzýshylyq kodeksi 601-baby 1-bóligine sáikes jaýapkershilikten qutylý úshin «Shkoda Oktaviia» avtokóliginiń ishinde patrýldik politsiia batalonynyń inspektory, politsiia kapitanyna 15 AQSh dollary kóleminde para usynǵan.
Sol kúni osyndai oqiǵa Atyraý-Oral jolynyń 126-shaqyrymynda, Aqjaiyq aýdany Chapaev aýyly tusynda tirkeldi.
Jyldamdyqty shekten tys arttyrǵany úshin toqtatylǵan 1992 jylǵy atyraýlyq azamat politsiia qyzmetkerine 2 myń teńge para usynǵan.
Qazirgi kezde eki oqiǵa boiynsha QR QK 367-baby 1-bólimine (para berý) sáikes sotqa deiingi tergeý amaldary júrgizilýde.
