Illiýstratsiialyq foto
Oralda politseidiń ózine qol jumsaý deregi tergelip jatyr. Protsessýaldyq sheshim qabyldanǵannan keiin politsiia basqarmasy basshylyǵynyń jaýapkershiligi qaralady, - dep habarlaidy Tengrinews.kz tilshisi "Moi gorod" basylymyna silteme jasap.
Oqiǵa 2021 jyldyń úshinshi jeltoqsanynda saǵat 7:40-ta bolǵan. 20 jastaǵy kishi serjant tabeldik qarý alyp, Oral politsiia basqarmasy ǵimaratyndaǵy bekette ózine oq atqan.
Ol BQO týmasy, ishki ister organdarynda 2021 jyldyń mamyrynan bastap, al laýazymda 2021 jyldyń tamyzynan bastap qyzmet etken. 2019 jyldyń maýsymynan 2020 jyldyń maýsymyna deiin Qazaqstan Qarýly Kúshterinde merzimdi qyzmet atqarǵan.
BQO politsiia departamentiniń baspasóz qyzmeti redaktsiianyń resmi saýalyna jaýap retinde kishi serjant Janabaev qyzmetke ornalasý kezinde arnaiy tekserýden ótkenin habarlady.
"Qazirgi ýaqytta is QR QK-nyń 105-baby 1-bóligi "Ózin-ózi óltirýge deiin jetkizý" boiynsha tergelip jatyr. Qylmystyq is boiynsha protsessýaldyq sheshim qabyldanǵannan keiin Oral politsiia basqarmasy basshylyǵynyń jaýapkershiligi qaralady", - dedi vedomstvo ókilderi.
Marqumnyń otbasy bar ma degen suraqqa departament serjant Jańabaev úilenbegen dep jaýap berdi.
