Oralda politsiia qyzmetkeri kináli jol apatynan zardap shekken júrgizýshi kelinshek kóz jumdy, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, oqiǵa 7 jeltoqsan kúni saǵat 03.00-der shamasynda bolǵan.
Oral qalasy politsiia basqarmasy Jergilikti politsiia qyzmeti bólimi ýchaskelik politsiia inspektorynyń kómekshisi, politsiia aǵa leitenanty, 1985 jylǵy Medet Rahadilov «Audi B4» kóligimen Jáńgir han kóshesinde jol qaýipsizdigin saqtamai, alda turǵan «Chevrolet Lacetti» avtokóligin soqqan. Onyń rýlinde bolǵan 1990 jylǵy kelinshek túrli jaraqattarmen aýrýhanaǵa jetkizilgenimen, búgin es jimastan qaitys boldy.
Turǵyndardyń sózine qaraǵanda, marqumnyń sońynda eri men tórt balasy qaldy.
9 jeltoqsan kúni BQO politsiia departamenti tártiptik keńesiniń sheshimimen atalǵan qyzmetker ishki ister organdarynan shyǵaryldy.
Sondai-aq, ýaqytsha oqshaýlaý izoliatoryna qamalǵan oǵan qatysty QR QK 345-baby 3-bóligine sáikes tergeý amaldary júrgizilýde.
Politsiia qyzmetkerine qatysty taǵy bir oqiǵa 2 jeltoqsan kúni Tasqala aýdany Tasqala aýylynda boldy.
Aýdandyq politsiia bóliminiń aǵa inspektory, 1976 jylǵy Sáken Qazjanov saǵat 06.00 shamasynda «Shevrole Niva» avtokóligimen M.Mámetova kóshesinde joldan ótip bara jatqan 1963 jylǵy turǵyndy qaǵyp, oqiǵa ornynan ketip qalǵan.
Qazirgi kezde bul oqiǵa boiynsha QR QK 345-baby 2-bóligi jáne 347-baby 1-bóligine sáikes tergeý júrgizilýde.
Oblystyq densaýlyq saqtaý basqarmasynyń baspasóz hatshysy Ainagúl Saqposynovanyń naqtylaýynsha, er adam Oral qalalyq aýrýhanasynyń jansaqtaý bóliminde, esin jiǵan joq.
