Oral qalasynda páterden 5 mln teńge jymqyrǵan urylar ustaldy, dep habarlaidy QazAqparat.
BQO politsiia departamentiniń baspasóz qyzmeti málim etkenindei, urylar H.Dospanova kóshesindegi páterge tereze arqyly kirgen.
Sodan keiin 1982 jylǵy azamatqa tiesili qarjyny úptep ketken. Keltirilgen zalal kólemi – 5 mln teńge.
Qabyldanǵan is-sharalar nátijesinde urylar qolǵa tústi. Olardyń deni basqa óńirlerden kelgen bolyp shyqty. 1990 jylǵy J. degen kúdikti Shyǵys Qazaqstan oblysynyń turǵyny bolsa, 1986 jylǵy E. Túrkistannan kelgen. 1971 jylǵy I. – elordanyń, 1982 jylǵy D. – Oral qalasynyń turǵyny.
«Urlanǵan qarajat tárkilendi. Qazirgi kezde QR QK 188-baby 3-bóligine (urlyq) sáikes sotqa deiingi tergeý amaldary júrgizilýde», dep habarlady vedomstvodan.
