Oralda 10 jasar balany kóligimen qaǵyp óltirgen 22 jastaǵy júrgizýshi qyz qamaýǵa alyndy, dep habarlaidy "Ult aqparat".
BQO prokýratýrasynyń baspasóz qyzmetinen málim etkenindei, Oral qalasynyń mamandandyrylǵan tergeý soty qylmystyq qýdalaý organynyń atalǵan júrgizýshige eki ai merzimge qamaýǵa alý túrindegi bultartpaý sharasyn qoldaný jónindegi ótinishin qanaǵattandyrdy.
Budan buryn habarlaǵanymyzdai, 17 qarasha kúni Oralda jol apatynan 10 jasar bala qaza tapqan bolatyn. Rýlde 22 jastaǵy qyz bolǵan. Oqýshy aýyr halde aýrýhanaǵa jetkizilgenimen, jansaqtaý bóliminde kóz jumdy.
Osyǵan bailanysty QR QK 345-baby 3-bóligine sáikes qylmystyq is qozǵalyp, tergeý amaldary júrgizilýde.
