Oralda sot sheshimimen jabylǵan meiramhanadaǵy toiǵa 150-den astam adam qatysqan, dep habarlaidy "Ult aqparat".
Oral qalasy ákimi apparatynyń bólim basshysy Aslan Jarmuhanovtyń málim etkenindei, 8 jeltoqsan kúni keshkisin «Juldyz» shaǵynaýdanyndaǵy «Aizat» meiramhanasynyń banket zalynda toi bolyp jatqany jóninde turǵyndar habarlaǵan.
Monitoringtik top músheleri barǵan kezde aqparat ras bolyp shyqty.
- Bir saǵattan keiin ishtegiler artqy esikti ashqan kezde toi qonaqtary qashyp shyǵyp jatty. Biz 150-den astam adamdy sanadyq, - dedi A.Jarmuhanov.
Onyń sózine qaraǵanda, meiramhana iesi, mýzykant, toidy uiymdastyrýshylardan jaýap alyndy. Tiisti sharalar qabyldaý úshin barlyq material Oral qalasy sanitarlyq-epidemiologiialyq baqylaý basqarmasyna jiberildi.
«Aizat» - sot sheshimimen jabylǵan alty meiramhananyń biri.
Oblystyq sanitarlyq-epidemiologiialyq baqylaý departamentiniń naqtylaýynsha, sot sheshimimen sanitarlyq talaptardy qaitalap buzǵany úshin «Aizat», «Albina+», «Maqpal», «Adelia» meiramhanalary, «Gakký», «Marsel» kafeleriniń qyzmeti úsh aiǵa toqtatylǵan edi. Bul baǵyttaǵy jumystar jalǵasatyn bolady.
