Oraldaǵy №40 orta mektepte oqýshylardyń neden ýlanǵany belgili boldy, dep habarlaidy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, 4 qazan kúni bolǵan osy oqiǵaǵa bailanysty tekserý júrgizilgen.
Politsiia qyzmetkerleri sol mektepte bilim alatyn oqýshy qyzdyń buryshty gaz ballonshasyn shashqanyn anyqtady.
Qazirgi kezde QR QK 293-baby 1-bóligine sáikes (buzaqylyq) qylmystyq is qozǵalyp, sotqa deiingi tergeý amaldary júrgizilýde.
Eske sala keteiik, budan buryn atalmysh mektepte iis tigen 15 oqýshy men 1 muǵalimniń aýrýhanaǵa jetkizilgenin jazǵan bolatynbyz.
Oblystyq densaýlyq saqtaý basqarmasynyń baspasóz hatshysy Ainagúl Saqposynovanyń aitýynsha, qazir oqýshylardyń da, muǵalimniń de jaǵdaiy jaqsy, sabaqqa qatysyp júr.
