Foto: instagram.com/zhaloby_uralsk__official
Oralda mektep ashanasynda nan ónimderiniń arasynda taraqan júrgen sýret tarady. Mektep ákimshiligi bul derekke qatysty pikir bildirdi, - dep habarlaidy Massaget.kz portaly "Moi GOROD" saityna silteme jasap.
Sýret zhaloby_uralsk__official Instagram-paraqshasynda paida boldy. Sýret avtory oqiǵa №9 orta mektebinde bolǵanyn aitady. Sýrette taraqan nan ónimderiniń arasynda júrgenin kórýge bolady.
Mektep direktory Maira Esenǵazieva basylymǵa osy jaitqa qatysty pikir bildirdi. Onyń sózinshe, mektepte jándikterge qatysty problema joq, al dezinsektsiia jii júrgizilip turady eken.
"Men ol sýretti kórdim jáne bul bizdiń mektepte bolǵany naqty emes. 3-mamyrda ózim ashanada boldym, taraqan kórgen joqpyn, oqýshylar tarapynan da eshqandai shaǵym bolmady. Búgin de baryp medbike men áleýmettik pedagog mamanmen kelip, tekserip kettim. Mektepti aralap shyqtyq. Buǵan deiin taraqandarǵa qatysty problema bolǵan emes, dezinsektsiiany jii júrgizip turamyz. Jaqynda sanitariialyq departament qyzmetkerleri de tekseris júrgizip, eshteńe tappady", - deidi mektep direktory Maira Esenǵazieva.
