Foto: Moi Gorod
Batys Qazaqstan oblysynda lager direktory jumystan bosatyldy, dep habarlaidy «Ult aqparat» "Moi gorod" basylymyna silteme jasap.
Batys Qazaqstan oblysy boiynsha bilim basqarmasy basshysynyń m.a. Laýra Batyrǵalievanyń aitýynsha, tálimger de jumystan bosatylyp, bilim basqarmasy teksergennen keiin tárbieshige tártiptik jaza qoldanylǵan.
"Balalar jáne olardyń ata-analarymen áńgime júrgizildi", - dedi Batyrǵalieva.
Eske sala ketsek, 10 maýsymda Oralda 10 jasar bala men onyń ápkesi "Atameken" balalar lagerine jiberilgen. Qalalyq bilim bólimi olarǵa sý tasqynynan zardap shekkender retinde joldama bergen.
“Qyzym balalardyń biriniń telefonyn alyp, 14 maýsymda maǵan qońyraý shalyp, balamdy lagerde uryp-soǵyp jatqanyn aitty. Keshke baryp balalardy alyp kettim. Sebebi ol jaqta balalarǵa unamaidy dep oiladym. Sol kezde balalardy lager direktorynyń ózi shyǵaryp saldy. Úige kelgen soń ulym denesindegi kógergen jerlerin kórsetti. Ulymnyń aiaǵy, qoly men denesi kógergen. Aitýynsha, ony 8-10 shaqty jigit sport zalda, kóshede uryp-soqqan. Nege mundai jaǵdai oryn aldy? Buǵan qalai jol berdińizder?” – deidi balanyń ákesi.
