Oralda reseilik tirkeýdegi kóligi bar júrgizýshiler Abai alańyna jinaldy, - dep habarlaidy Tengrinews.kz tilshisi.
Jergilikti bilik beibit jiyndar aldyn ala eskertilgennen keiin ótýi kerek ekenin túsindirdi.
BQO jáne qala ákimdikteri mańyndaǵy alańǵa 50-ge jýyq adam jinalǵan. Halyqpen kezdesýge BQO jáne Oral qalalary ákimdigine qarasty basqarma men Ishki saiasat bólimi ókilderi shyqty. Júrgizýshilerge beibit jiyndardy ótkizý tártibi túsindirildi. Keiin jurtshylyq Oral qalasy ákimdiginiń úlken zalyna shaqyryldy.
Tártip saqshylary málimetinshe, jol-kólik oqiǵalarynyń jartysyna jýyǵyn shetelde tirkelgen kólik júrgizýshileri jasaǵan.
"Biylǵy 10 aida shetelde tirkelgen kólik júrgizýshileri 89 jol-kólik oqiǵasyn jasap, onyń saldarynan 32 adam qaza taýyp, taǵy 122-si jaraqat alǵan. 1400 jol-kólik oqiǵasy zalal keltirgen", - dedi BQO IID Jergilikti politsiia qyzmetiniń basshysy Merhat Ájenov.
Buǵan deiin Qazaqstanda Reseide tirkelgen nemese elimizde tirkelmegen kólikterdi jappai tekserý bastalǵany habarlanǵan edi. Mundai kólikter sany 88 myń bolsa, onyń 9 myńy BQO-da. BQO politseileri tekserý bastalǵannan beri turaqqa 39 kólik alynǵanyn, onyń 21-i aiyppul tólengennen keiin iesine qaitarylǵanyn qosty. Biraq mundai kólikterdi politsiiaǵa tirkeý kerek.
Eske salaiyq, qazir reseilik tirkeýdegi kólikter quqyq qorǵaý organdarynyń jiti baqylaýynda. Qazaqstan Respýblikasynyń Ishki ister ministrligi Resei Federatsiiasynan ákelingen 88 myń avtokólikke qatysty jaǵdai Resei Federatsiiasynan kólik satyp alǵan, biraq olarǵa quqyqty zańdastyrmaǵan qazaqstandyqtardyń áreketinen týyndaǵanyn basa aitty.
