ورالدا كٶلٸگٸ رەسەيدە تٸركەلگەن جٷرگٸزۋشٸلەر نارازىلىققا شىقتى

بقو جەنە قالا ەكٸمدٸكتەرٸ ماڭىنداعى الاڭعا 50-گە جۋىق ادام جينالعان. حالىقپەن كەزدەسۋگە بقو جەنە ورال قالالارى ەكٸمدٸگٸنە قاراستى باسقارما مەن ٸشكٸ ساياسات بٶلٸمٸ ٶكٸلدەرٸ شىقتى. جٷرگٸزۋشٸلەرگە بەيبٸت جيىنداردى ٶتكٸزۋ تەرتٸبٸ تٷسٸندٸرٸلدٸ. كەيٸن جۇرتشىلىق ورال قالاسى ەكٸمدٸگٸنٸڭ ٷلكەن زالىنا شاقىرىلدى.

تەرتٸپ ساقشىلارى مەلٸمەتٸنشە, جول-كٶلٸك وقيعالارىنىڭ جارتىسىنا جۋىعىن شەتەلدە تٸركەلگەن كٶلٸك جٷرگٸزۋشٸلەرٸ جاساعان.

"بيىلعى 10 ايدا شەتەلدە تٸركەلگەن كٶلٸك جٷرگٸزۋشٸلەرٸ 89 جول-كٶلٸك وقيعاسىن جاساپ, ونىڭ سالدارىنان 32 ادام قازا تاۋىپ, تاعى 122-سٸ جاراقات العان. 1400 جول-كٶلٸك وقيعاسى زالال كەلتٸرگەن", - دەدٸ بقو ٸٸد جەرگٸلٸكتٸ پوليتسييا قىزمەتٸنٸڭ باسشىسى مەرحات ەجەنوۆ.

بۇعان دەيٸن قازاقستاندا رەسەيدە تٸركەلگەن نەمەسە ەلٸمٸزدە تٸركەلمەگەن كٶلٸكتەردٸ جاپپاي تەكسەرۋ باستالعانى حابارلانعان ەدٸ. مۇنداي كٶلٸكتەر سانى 88 مىڭ بولسا, ونىڭ 9 مىڭى بقو-دا. بقو پوليتسەيلەرٸ تەكسەرۋ باستالعاننان بەرٸ تۇراققا 39 كٶلٸك الىنعانىن, ونىڭ 21-ٸ ايىپپۇل تٶلەنگەننەن كەيٸن يەسٸنە قايتارىلعانىن قوستى. بٸراق مۇنداي كٶلٸكتەردٸ پوليتسيياعا تٸركەۋ كەرەك.

ەسكە سالايىق, قازٸر رەسەيلٸك تٸركەۋدەگٸ كٶلٸكتەر قۇقىق قورعاۋ ورگاندارىنىڭ جٸتٸ باقىلاۋىندا. قازاقستان رەسپۋبليكاسىنىڭ ٸشكٸ ٸستەر مينيسترلٸگٸ رەسەي فەدەراتسيياسىنان ەكەلٸنگەن 88 مىڭ اۆتوكٶلٸككە قاتىستى جاعداي رەسەي فەدەراتسيياسىنان كٶلٸك ساتىپ العان, بٸراق ولارعا قۇقىقتى زاڭداستىرماعان قازاقستاندىقتاردىڭ ەرەكەتٸنەن تۋىنداعانىن باسا ايتتى.