Oral qalasynyń Nadejda kóshesindegi qoqys jáshiginen jańa týǵan náreste tabyldy, dep habarlaidy Sputnik Qazaqstan saity oblystyq politsiia departamentiniń baspasóz qyzmetine silteme jasap.
"24 sáýirde saǵat 11:31 shamasynda turǵyndardan habarlama tústi. Nadejda kóshesindegi 66-úidiń artyndaǵy qoqys jáshiginde tsellofan paketke oralǵan jańa týǵan náreste tabylǵan. Náreste - er bala", - deidi PD baspasóz qyzmeti.
Abyroi bolǵanda ol aman. Ol qalalyq kópsalaly aýrýhanaǵa shuǵyl túrde jatqyzyldy. Bul fakt boiynsha QR QK 119-baby 1-bóligi "Qaýipti jaǵdaida qaldyrý" babymen tergeý bastaldy.
Al dárigerler balanyń qatty tońyp qalǵanyn aitty.
"Náresteniń qazirgi jaǵdaiy ortasha aýyr. Qatty tońǵan. Salqyn tigen. Oǵan qosa gipoksiiasy, júreginde aqaýy bar. Ázirge oblystyq kópbeiindi balalar aýrýhanasynda tiisti em alyp jatyr", - deidi oblystyq densaýlyq saqtaý basqarmasynyń baspasóz qyzmeti.
Dárigerlerdiń aitýynsha, balanyń salmaǵy 2990 gr, boiy 52 sm. Ishki aǵzalardyń ýltradybystyq zertteýi boiynsha baýyr parenhimasyndaǵy ortasha ózgerister anyqtalǵan.
