ورال قالاسىنىڭ نادەجدا كٶشەسٸندەگٸ قوقىس جەشٸگٸنەن جاڭا تۋعان نەرەستە تابىلدى, دەپ حابارلايدى Sputnik قازاقستان سايتى وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
"24 سەۋٸردە ساعات 11:31 شاماسىندا تۇرعىنداردان حابارلاما تٷستٸ. نادەجدا كٶشەسٸندەگٸ 66-ٷيدٸڭ ارتىنداعى قوقىس جەشٸگٸندە تسەللوفان پاكەتكە ورالعان جاڭا تۋعان نەرەستە تابىلعان. نەرەستە - ەر بالا", - دەيدٸ پد باسپاسٶز قىزمەتٸ.
ابىروي بولعاندا ول امان. ول قالالىق كٶپسالالى اۋرۋحاناعا شۇعىل تٷردە جاتقىزىلدى. بۇل فاكت بويىنشا قر قك 119-بابى 1-بٶلٸگٸ "قاۋiپتi جاعدايدا قالدىرۋ" بابىمەن تەرگەۋ باستالدى.
ال دەرٸگەرلەر بالانىڭ قاتتى توڭىپ قالعانىن ايتتى.
"نەرەستەنٸڭ قازٸرگٸ جاعدايى ورتاشا اۋىر. قاتتى توڭعان. سالقىن تيگەن. وعان قوسا گيپوكسيياسى, جٷرەگٸندە اقاۋى بار. ەزٸرگە وبلىستىق كٶپبەيٸندٸ بالالار اۋرۋحاناسىندا تيٸستٸ ەم الىپ جاتىر", - دەيدٸ وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
دەرٸگەرلەردٸڭ ايتۋىنشا, بالانىڭ سالماعى 2990 گر, بويى 52 سم. ٸشكٸ اعزالاردىڭ ۋلترادىبىستىق زەرتتەۋٸ بويىنشا باۋىر پارەنحيماسىنداعى ورتاشا ٶزگەرٸستەر انىقتالعان.
