Foto: www. 24.kg
Oral qalasynda qoqys konteinerinen tabylǵan shaqalaqtyń anasyn anyqtaý jumystary júrgizilýde. Bul týraly BQO politsiia departamentiniń baspasóz qyzmeti habarlady.
Vedomstvo málimetinshe, oqiǵaǵa bailanysty 14 tamyzdan bastap sotqa deiingi tergeý amaldary jalǵasyp jatyr.
– Politsiia qyzmetkerleri meditsinalyq mekemelerde esepte turǵan áielderdi, sondai-aq túrli sebeptermen esepten shyqqandardy tekserdi. Tártip saqshylary jaqyn mańdaǵy kópqabatty jáne jeke úilerdi aralap, turǵyndardan surastyrdy. Úilerdiń kireberisterindegi beinebaqylaý kameralarynyń jazbalary da qaraldy. Náresteniń anasyn izdeý sharalary jalǵasýda. Eger osy oqiǵaǵa qatysty qandai da bir aqparat bilseńizder, 102, 8-711-2-98-15-01 nemese 8-775-373-00-94 nómirlerine dereý habarlasýyńyzdy suraimyz, – delingen habarlamada.
