Oralda qoǵamdyq kólikpen júrý aqysy 80 teńgege deiin kóteriledi, dep habarlady qalalyq ishki saiasat bóliminiń baspasóz qyzmeti.
«Qalalyq máslihat depýtattary qalalyq jolaýshylar tasymaldaý kólikterindegi tarifti kóterý týraly usynysty qoldady», - delingen habarlamada.
Búginge tarif 2013 jyly bekitilgen. Ol 60 teńgeni quraidy.
Qalalyq jolaýshylar tasymaldaý kásiporyndary birneshe ret qalalyq máslihatqa júginip, jol júrý aqysyn 130 teńgege deiin kóterýin suraǵan.
Tasymaldaýshy kásiporyndardyń keltirip otyrǵan ýájdary - JJM baǵasy 35%, qosalqy bólshekter baǵasy 20% qymbattaǵan. Olardyń esepteýinshe, qalada bir jolaýshyny tasymaldaý ortasha baǵasy 185 teńgeni quraidy.
Qazirge Oralda jolaýshylar tasymalyn 6 tasymaldaýshy iske asyrady: «Aqjol avto» JShS, «Batys Dilijans» JShS, «ZKAP», «OralAvtoTrans», «PAP №1» JShS jáne «ÝralTehServis» JShS.
Jolaýshylar tasymaldaý 33 qalalyq, 13 saiajailyq jáne 7 qala mańy avtomobil marshrýttaryn qamtidy. Kólik sany 644 bolǵanymen, olardyń 61% eski avtobýstar.
