Oralda aqyn, Memlekettik syilyqtyń laýreaty Qadyr Myrza Álidiń 85 jyldyǵyna arnalǵan «Qazaqtyń Qadyry» atty oblystyq jyr músháirasy márege jetti, dep habarlaidy "Ult aqparat".
Qadyr Myrza Áli atyndaǵy oblystyq mádeniet jáne óner ortalyǵy uiymdastyrǵan jastardyń óleń báigesine barlyǵy 36 úmitker qatysyp, baq synady.
Qazylar alqasynyń sheshimimen oraldyq Aibol Islamǵali bas júldeni (100 myń teńge) jeńip aldy.
Jeńimpazǵa júldeni aqyn, Memlekettik syilyqtyń laýreaty, Qazaqstan Jazýshylar odaǵynyń basqarma tóraǵasy Ulyqbek Esdáýlet tapsyrdy.
Sondai-aq taǵy bir jas talant, jańaqalalyq Márlen Ǵilymhan birinshi orynǵa kóterildi.
Bórlilik Meirambek Sydyq ekinshi, M.Ótemisov atyndaǵy Batys Qazaqstan ýniversitetiniń I kýrs stýdenti Ádil Ahmetov pen syrymdyq Baýyrjan Shirmedinuly úshinshi orynǵa ie boldy.
Arnaiy eki syilyq jańaqalalyq Ernar Jaqsybaev pen aqjaiyqtyq Abylaihan Maqsutovqa buiyrdy.
