Oralda qarjy piramidasyn uiymdastyrýshylarǵa qatysty qylmystyq ister tergelip jatyr, dep habarlaidy QazAqparat.
BQO boiynsha ekonomikalyq tergep-tekserý departamentinen málim etkenindei, «SENIMDI UI» tutyný kooperativi retinde qarjy piramidasyn uiymdastyrýshylar 2021 jyldyń tamyz aiynan bastap jeke adamdardan 12 mln 675 myń teńgeni tartqan.
Qazirgi kezde QR QK 217-baby 2-bóligine sáikes qylmystyq is tergelip jatyr.
Sondai-aq ótken jyldyń naýryz aiynan bastap kriptovaliýta salasyndaǵy investitsiialyq startap joba retinde «Relictum-pro» qarjy piramidasy uiymdastyrylǵan.
Bul piramida boiynsha QR QK 217-baby 2-bóligi 1, 4-tarmaqtaryna sáikes qylmystyq is tergelýde.
«Eger turǵyndar atalǵan qarjy piramidalarynyń zańsyz qyzmetinen zardap shekse, BQO boiynsha ekonomikalyq tergep-tekserý departamentine +7 (7112) 53-84-27 telefony arqyly habarlasa alady. Aita ketý kerek, piramidanyń negizgi maqsaty – jańa qatysýshylardy tartý. Ádette, piramidanyń negizin qalaýshy qomaqty somany jinaǵannan keiin tóleýdi toqtatady jáne barlyq aqshany alyp, izin jasyrady», dep habarlady vedomstvodan.
