Oralda «Jekpe-jek» sport kesheninde Táýelsizdiktiń 30 jyldyǵyna orai balalar, jasóspirimder, jastar jáne eresekter arasynda karate shito-riýden Qazaqstan chempionaty márege jetti, dep habarlaidy QazAqparat.
BQO dene shynyqtyrý jáne sport basqarmasy málim etkenindei, úsh kúnge sozylǵan jarys qorytyndysynda Mańǵystaý oblysynyń quramasy 28 altyn, 16 kúmis, 23 qola júldeni jeńip aldy.
Baiqońyr qalasynan kelgen karateshiler 11 altyn, 13 kúmis, 13 qola medalǵa ie boldy.
Aqmola oblysy Shýchinsk qalasynyń sportshylary 7 altyn, 9 kúmis, 12 qolamen qaitty.
Qyzylordalyqtar enshisinde - 7 altyn, 4 kúmis, 15 qola júlde.
Almatylyqtar 7 altyn, 3 kúmis, 9 qolany qanjyǵasyna bailady.
El birinshiliginde batysqazaqstandyqtar da qur qol qalǵan joq. Olar 5 altyn, 11 kúmis, 12 qola júldeni oljalady.
