Oralda iz-túzsiz joǵalyp ketken áieldiń múrdesi ormannan tabyldy, dep habarlaidy QazAqparat.
BQO politsiia departamentiniń baspasóz qyzmeti málim etkendei, 58 jastaǵy Dina Stanko biylǵy 24 tamyzda shamamen saǵat 17.00-de úiinen shyǵyp ketkennen oralmaǵan bolatyn.
Ony izdestirýge qalalyq politsiia basqarmasynyń jeke quramy jumyldyryldy. Oraldaǵy beinebaqylaý kameralary qaralyp, turǵyndarǵa suraý salyndy.
Kýágerlerdiń sózinen áieldiń Jelaev kenti jaqqa ketkeni belgili boldy. Ol mań da qaraldy.
Dúken qyzmetkeri, 1967 jylǵy turǵyn Jelaev kenti aýdanyndaǵy ormannan sańyraýqulaq jinap júrgen kezinde áieldiń bas súiegi men múrde qaldyqtaryn tapty.
Politsiia departamentiniń málimetine qaraǵanda, súiek qaldyqtary sot-meditsinalyq saraptamaǵa jiberildi.
Saraptama qorytyndysyna sáikes ólimniń sebebi anyqtalady.
Marqumnyń týystary oqiǵa bolǵan jerden áieldiń kiimderin tanydy.
Sonymen qatar áieldiń sińlisi men onyń tisterin emdegen stomatologtarmen birge tisteri alynyp, zerdelendi.
Sol kezde joǵalǵan áiel men tabylǵan múrdeniń tisteri birdei bolyp shyqty.
