Jaqynda áleýmettik jelide kólikke bailanǵan itti kóshede súirep bara jatqan video taraldy. Júrgizýshiniń bul áreketi quqyqbuzýshylyq retinde qarastyrylmaǵan, - dep habarlaidy Tengrinews.kz tilshisi "Moi gorod" saityna silteme jasap.
Politsiia er adam 18 qazanda úiiniń janynan beitanys ittiń máiitin taýyp alǵanyn habarlady. Odan tirshilik belgileri baiqalmaǵan, aýzynan kóbik shyǵyp jatqan.
"It juqpaly aýrýmen aýyrǵan bolýy múmkin dep oǵan jaqyndamai, kóligine bailap, qaladan alyp shyǵyp, máiitin kómip tastaǵan", - delingen habarlamada.
