Oralda esirtki taratqan 19 jastaǵy jigit pen 15 jastaǵy oqýshy sottaldy, – dep habarlaidy Polisia.kz.
Portal málimetinshe, 2 naýryzda Oral stantsiiasynyń mańyn tekserý kezinde 15 jastaǵy jasóspirim men onyń 19 jastaǵy tanysy ustaldy. Olardyń oralǵan untaqty zatty aǵash butaqtaryna jasyrǵandyǵy anyqtaldy. Saraptama qorytyndysyna sáikes, ustalǵandardan alynǵan zat psihotroptyq bolyp shyqty jáne onyń jalpy salmaǵy 11 gramdy qurady. Ustalǵandar ”óz qyzmetin” Telegram arnalardyń biri arqyly júrgizgen.
Atalǵan derek boiynsha Oral stantsiiasyndaǵy jelilik politsiia bólimi QR Qylmystyq Kodeksiniń 297-baby (Esirtki, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý) boiynsha tergeý júrgizdi.
Batys Qazaqstan oblysynyń qylmystyq ister jónindegi mamandandyrylǵan aýdanaralyq soty 19 jastaǵy sottalýshyǵa 10 jyl merzimge bas bostandyǵynan aiyrý jazasy taǵaiyndady, al onyń 15 jastaǵy sybailasy 7 jyl 6 aiǵa bas bostandyǵynan aiyryldy.
