ورالدا ەسٸرتكٸ تاراتقان 19 جاستاعى جٸگٸت پەن 15 جاستاعى وقۋشى سوتتالدى, – دەپ حابارلايدى Polisia.kz.
پورتال مەلٸمەتٸنشە, 2 ناۋرىزدا ورال ستانتسيياسىنىڭ ماڭىن تەكسەرۋ كەزٸندە 15 جاستاعى جاسٶسپٸرٸم مەن ونىڭ 19 جاستاعى تانىسى ۇستالدى. ولاردىڭ ورالعان ۇنتاقتى زاتتى اعاش بۇتاقتارىنا جاسىرعاندىعى انىقتالدى. ساراپتاما قورىتىندىسىنا سەيكەس, ۇستالعانداردان الىنعان زات پسيحوتروپتىق بولىپ شىقتى جەنە ونىڭ جالپى سالماعى 11 گرامدى قۇرادى. ۇستالعاندار ”ٶز قىزمەتٸن” Telegram ارنالاردىڭ بٸرٸ ارقىلى جٷرگٸزگەن.
اتالعان دەرەك بويىنشا ورال ستانتسيياسىنداعى جەلٸلٸك پوليتسييا بٶلٸمٸ قر قىلمىستىق كودەكسٸنٸڭ 297-بابى (ەسٸرتكٸ, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, يەمدەنۋ, ساقتاۋ, تاسىمالداۋ, جٶنەلتۋ نە ٶتكٸزۋ) بويىنشا تەرگەۋ جٷرگٸزدٸ.
باتىس قازاقستان وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى 19 جاستاعى سوتتالۋشىعا 10 جىل مەرزٸمگە باس بوستاندىعىنان ايىرۋ جازاسى تاعايىندادى, ال ونىڭ 15 جاستاعى سىبايلاسى 7 جىل 6 ايعا باس بوستاندىعىنان ايىرىلدى.
