Oral qalasyna qarasty Zashaǵan kentinde esirtkige masaiǵan júk kóliginiń júrgizýshisi úsh balany qaǵyp ketti, - dep habarlaidy "Ult aqparat" Polisia.kz saityna silteme jasap.
Portal málimetinshe, 19 qyrkúiek túski saǵat 14:10 shamasynda GAZ-53 avtokóligin tizgindegen 32 jastaǵy júrgizýshi 30 mekteptiń janyndaǵy aialdamada 3 kámeletke tolmaǵan jasóspirimdi qaǵyp ketken.
Jol apaty saldarynan 2009, 2010, 2011 jylǵy kámeletke tolmaǵan balalar oblystyq balalar aýrýhanasyna jetkizildi. Meditsinalyq saraptama barysynda júrgizýshi kannabinoidtardy (marihýanany) paidalanǵany anyqtaldy.
Atalǵan derek boiynsha QR QK 345-baby 1-bóligi (Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy) boiynsha sotaldy tergeý amaldary júrgizilip jatyr.
