Oralda burynǵy ákimniń orynbasary Vladimir Dremasovtyń uly úsh jyl boiy kólik úshin salyq tólemegen, - dep habarlaidy "Ýralskaia nedelia".
Basylymnyń málimetinshe, Oral qalalyq №2 sotynyń azamattyq ister jónindegi sýdiasy Ásel Ysqaqova 11 qazanda burynǵy ákimniń orynbasary Vladimir Dremasovtyń uly Igor Dremasovtan 600 myń teńge óndirý úkimin shyǵardy. Sheneýniktiń uly úsh jyl boiy kóligi úshin salyq tólemegen.
Sotta Igor Dremasovtyń atyna Mercedes-Benz S500 markaly avtomobildiń tirkelgeni anyqtaldy. Qozǵaltqysh kólemi - 4,5. Basylymnyń málimetinshe, jalpy qaryz quny 599 myń teńge, onyń shinde 93 myń teńge - ósimaqy.
Sonymen qatar, kiris salyǵyn tólemegeni úshin sot sheshimi boiynsha olarǵa tiesili jer telimi satylymǵa shyǵarylǵan. Jaýap berýshi sot otyrysyna kelmedi. Memlekettik kirister basqarmasynyń málimeti boiynsha, Dremasov jeke kásipkerlikpen nemese advokat jáne notariýstyq qyzmetpen ainalyspaidy.
