Foto: mgorod.kz
Oralda politseiler bastaýysh synyp muǵalimin óltirdi degen kúdiktini dereý ustady, - dep habarlaidy Tengrinews.kz tilshisi Batys Qazaqstan oblysy politsiia departamentiniń baspasóz qyzmetine silteme jasap.
25 sáýirde júrgizilgen jedel-izdestirý sharalarynyń barysynda er adam anyqtalyp, ustaldy. Kúdikti buryn sottalǵan Oral turǵyny bolyp shyqty.
"Qazirgi ýaqytta kúdikti sottyń sanktsiiasymen qamaýda otyr, tergeý múddesi úshin basqa málimetter jariialanbaidy", - delingen vedomstvo habarlamasynda.
Eske salaiyq, 25 sáýirde Oralda bastaýysh synyp muǵalimi Nadejda Nikitinany óz páterinde óltirip ketken. 1964 jyly týǵan muǵalimniń máiiti onyń turǵylyqty jerinen tabyldy, onda zorlyq-zombylyq belgileri bolǵan. Nadejda Nikitina 35 jyl bir mektepte jumys istegen.
