فوتو: mgorod.kz
ورالدا پوليتسەيلەر باستاۋىش سىنىپ مۇعالٸمٸن ٶلتٸردٸ دەگەن كٷدٸكتٸنٸ دەرەۋ ۇستادى, - دەپ حابارلايدى Tengrinews.kz تٸلشٸسٸ باتىس قازاقستان وبلىسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
25 سەۋٸردە جٷرگٸزٸلگەن جەدەل-ٸزدەستٸرۋ شارالارىنىڭ بارىسىندا ەر ادام انىقتالىپ, ۇستالدى. كٷدٸكتٸ بۇرىن سوتتالعان ورال تۇرعىنى بولىپ شىقتى.
"قازٸرگٸ ۋاقىتتا كٷدٸكتٸ سوتتىڭ سانكتسيياسىمەن قاماۋدا وتىر, تەرگەۋ مٷددەسٸ ٷشٸن باسقا مەلٸمەتتەر جارييالانبايدى", - دەلٸنگەن ۆەدومستۆو حابارلاماسىندا.
ەسكە سالايىق, 25 سەۋٸردە ورالدا باستاۋىش سىنىپ مۇعالٸمٸ نادەجدا نيكيتينانى ٶز پەتەرٸندە ٶلتٸرٸپ كەتكەن. 1964 جىلى تۋعان مۇعالٸمنٸڭ مەيٸتٸ ونىڭ تۇرعىلىقتى جەرٸنەن تابىلدى, وندا زورلىق-زومبىلىق بەلگٸلەرٸ بولعان. نادەجدا نيكيتينا 35 جىل بٸر مەكتەپتە جۇمىس ٸستەگەن.
