Oralda bankomat janynda zeinetkerdiń aqshasyn alyp qashqan turǵyn ustaldy, dep habarlaidy "Ult aqparat".
BQO politsiia departamenti baspasóz qyzmetiniń jetekshi mamany Móldir Sadyrǵalievanyń aitýynsha, oqiǵa Qurmanǵazy kóshesinde ornalasqan bankomat janynda boldy.
Belgisiz er adam kúsh kórsetip, zeinetkerdiń 125 myń teńgesin ashyqtan-ashyq tonamaq bolǵan.
Jedel kezekshi pýltine 1953 jylǵy turǵyn habarlasyp, belgisiz jas adamnyń ózine shabýyl jasap, aqshasyn alyp, boi tasalaǵany jóninde habarlaǵan. Kúdiktiniń shabýyldaǵan sáti beinekameraǵa túsip qalǵan.
Kúdikti birneshe minýttan keiin qolǵa tústi. Ol Oral qalasynyń esh jerde jumys jasamaityn 1985 jylǵy turǵyny bolyp shyqty.
Kúdikti kinásin moiyndady, oǵan qatysty QR QK 191-baby 2-bóligine (tonaýǵa árekettený) sáikes tergeý amaldary júrgizilýde.
