Foto: egemen.kz
Oral qalasyndaǵy "Sábi" balabaqshasynda balalardyń ústine shkaf qulap ketti, dep habarlady oblystyq densaýlyq saqtaý basqarmasynyń baspasóz qyzmeti.
Oqiǵa 1 aqpanda bolǵan. Balabaqshada úlken toptaǵy búldirshinderdiń ústine shkaf qulaǵan. Balalardy qorǵap qalmaq bolǵan tárbieshi de dene jaraqatyn alǵan. Balabaqsha mamandary jedel járdemge habarlasqan.
"Jedel járdemge shaqyrtý saǵat 11.30-da kelip tústi. Zardap shekkender sany 5, onyń 4-ýi bala. 1976 jylǵy áiel adamnyń jambas tusynyń jumsaq tinderi kógerip qalǵan. Ol kópbeiindi qalalyq aýrýhanaǵa jetkizildi. Ambýlatoriialyq baqylaý taǵaiyndalyp, úiine jiberildi", - deidi densaýlyq saqtaý basqarmasy.
Al 4 bala kópbeiindi oblystyq balalar aýrýhanasyna jetkizilgen.
"4 búldirshin de qyz balalar. Tórteýiniń de denesi kógerip qalǵan. Barlyq balanyń jaǵdaiy qanaǵattanarlyq, ambýlatoriialyq em taǵaiyndalyp, úige jiberildi. Patsientterdiń barlyǵy qajetti meditsinalyq tekserýden ótti", - deidi vedomstvo.
