Foto: polisia.kz
Oralda politsiia qyzmetkerleri áieldi óltirgen kúdiktini ustady, - dep habarlaidy «Ult aqparat» Polisia.kz-ke silteme jasap.
Qylmyskerdi anyqtaýǵa oqiǵa ornynda tabylǵan saýsaq izi kómektesti. Oqiǵa bolǵan jerdi muqiiat tekserý barysynda kriminalist maman úiden saýsaq izi qalǵan áinek synyǵyn taýyp tárkiledi.
"Odan ári derekter bazasynda birdei saýsaq izin anyqtaý úshin salystyrmaly taldaý júrgizildi. Tekserý barysynda saýsaq izderi kimge tiesili ekeni anyqtaldy. Ol qaza bolǵan áielmen kórshiles turǵan Oral qalasynyń 28 jastaǵy turǵyny ekeni belgili boldy", - delingen habarlamada.
Sondai-aq, oqiǵa ornynan basqa da zattai dáleldemeler alyndy. Kúdikti ustaldy jáne ýaqytsha ustaý izoliatoryna qamaldy. Kisi óltirý deregi boiynsha qylmystyq is qozǵaldy. Saraptama taǵaiyndaldy. Tergeý júrgizilip jatyr.
Eske salaiyq, 31 shildede Oraldaǵy jer úilerdiń birinen 1957 jyly týǵan áieldiń zorlyqpen óltirilgen máiiti tabylǵan bolatyn. Oqiǵa ornyna jedel-tergeý toby jáne Oral qalalyq PB-nyń politsiia qyzmetkerleri dereý jiberildi.
