Oralda avtokólik blokbeketke soǵyldy, dep habarlaidy "Ult aqparat".
Oqiǵa 30 naýryz kúni keshkisin Zachagan kentinde oryn aldy.
«VAZ-2115» avtokóligi qalanyń shetinde ornatylǵan blokbeketke soǵyldy.
BQO politsiia departamentiniń resmi ókili, politsiia polkovnigi Bolatbek Belgibekovtiń aitýynsha, blokbekette turǵan politsiia qyzmetkerleriniń eskertýine qaramastan, avtokólik blokty soǵyp ketken.
Júrgizýshi saý, eshkim zardap shekken joq.
«Júrgizýshige QR Ákimshilik quqyqbuzýshylyq kodeksi 610-babyna sáikes (aiyppul salý) hattama toltyryldy», dedi B.Belgibekov.
Batys Qazaqstan oblysynda bas memlekettik sanitarlyq dárigerdiń qaýlysyna sáikes koronavirýstiń taralýyna tosqaýyl qoiý maqsatynda 31 naýryz kúni saǵat 00.00-den bastap qosymsha shekteý sharalary engizildi.
Osyǵan orai oblys boiynsha 90, sonyń ishinde Oral qalasynda 8 blokbeket ornatyldy.
