Oralda avtokólik on jasar qyzdy qaǵyp ketti, dep habarlaidy QazAqparat.
BQO politsiia departamentiniń baspasóz qyzmeti málim etkendei, oqiǵa 27 qazan kúni shamamen saǵat 08.30-da Zachagan kentindegi №10 mektep mańynda boldy.
«Mersedes» avtokóliginiń 33 jastaǵy júrgizýshisi M.Móńkeuly kóshesinde belgilenbegen jerden ótip bara jatqan 2011 jylǵy qyz balany qaǵyp ketti.
Qyz oblystyq kópbeiindi balalar aýrýhanasyna jetkizildi.
Oqiǵa ornynda politsiia qyzmetkerleri jumys istedi. Avtokólik arnaiy turaqqa qoiyldy.
Anyqtalǵanyndai, qyz bala mektepke ata-anasynsyz, jalǵyz bara jatqan.
BQO densaýlyq saqtaý basqarmasynyń baspasóz hatshysy Ainagúl Saqposynovanyń naqtylaýynsha, buǵanasyn soǵyp alǵan qyz bala dárigerler qaraǵannan keiin ambýlatoriialyq em alýǵa jiberildi.
Oral qalasynda sońǵy eki kúnde osyndai eki oqiǵa tirkelip otyr.
