Batys Qazaqstan oblysynda respýblikalyq «Migrant» jedel aldyn alý sharasy barysynda bes qylmysker ustaldy, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, 15-19 aqpan aralyǵynda ótkizilgen atalmysh is-shara kezinde qolǵa túsken 5 qylmyskerdiń bireýi halyqaralyq izdeýde júrgen bolyp shyqty.
«Oralda aýyr qylmys jasap, sottan boi tasalaǵan 35 jastaǵy ózbekstandyq azamat ustaldy. Sondai-aq oblysta zańsyz júrgen 15 sheteldik el aýmaǵynan shyǵaryldy», dedi B.Belgibekov.
Politsiianyń jedel toptary oblys aýmaǵynda júrgen myńnan astam sheteldik azamatty tekserdi.
Sonyń nátijesinde elde júrip-turý merzimin buzǵan 119 adam, sheteldiktiń kelýine bailanysty qujat jasamaǵan 96 oblys turǵyny jáne sheteldik jumys kúshin zańsyz tartqan 5 jumys berýshi anyqtalyp, bári de ákimshilik jaýapkershilikke tartyldy.
