Foto: Oral PB
WhatsApp messendjerinde Oraldaǵy Abai politsiia bóliminiń aqparaty tarap jatyr. Onda úsh er adam "asa aýyr qylmys jasaǵany úshin" izdestirilip jatqany kórsetilgen, - dep habarlaidy Tengrinews.kz tilshisi "Moi gorod" basylymyna silteme jasap.
Olardyń qandai qylmysy úshin izdestirilip jatqany belgisiz. Bul aqparatpen qatar Oralda adam óltirilgeni jáne soǵan qatysty osy adamdar izdestirilip jatqany aitylǵan aýdio habarlama da tarap jatyr.
BQO PD baspasóz qyzmeti málimetinshe, "2 aqpanda saǵat 08:10-da Dáýletkerei kóshesindegi úilerdiń biriniń mańynan zorlyq-zombylyq belgileri bar er adamnyń máiiti tabyldy".
Alaida vedomstvo bul qylmystyń taratylǵan izdeý aqparatyna qatysy bar-joǵyn naqtylamai otyr.
"Abai politsiia basqarmasy adam óltirý deregi boiynsha sotaldy tergeýdi bastady. Qazirgi ýaqytta politsiia qyzmetkerleri atalǵan qylmysty ashýǵa jáne kúdiktini anyqtaýǵa baǵyttalǵan jedel-izdestirý is-sharalaryn júrgizip jatyr. Basqa málimetter QR QK-nyń 201-babyna sáikes, jariialanbaidy, - dedi politsiia.
