Oralda anasynyń qaraýynsyz qalǵan úsh qyz bala aýrýhanaǵa tústi, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, oblystyq kópbeiindi balalar aýrýhanasyna 4, 1,2 jasar jáne 1 ailyq sábi keshe keshkisin jetkizilgen.
Politsiia inspektorlarynyń sózine qaraǵanda, olardy kórshileri shaqyryp, úsheýiniń eresekterdiń qaraýynsyz qalǵanyn habarlaǵan.
Aýrýhana bas dárigeriniń orynbasary Iýliia Goriachevanyń aitýynsha, balalar qanaǵattanarlyq jaǵdaida túsken, eshqandai aýrý belgileri baiqalmaǵan. Bári de taza, jaqsy kiingen. Bir ailyq sábidiń taza pampersi bolǵan. Ol 1,5-2 saǵattai ashyqqan.
Atalǵan otbasy balalar aýrýhanasyna burynnan belgili. Osyndai oqiǵa budan tórt jyl buryn bolǵan edi. Onda da anasy qyzyn qaraýsyz qaldyryp, kórshileri politsiiaǵa habarlaǵan bolatyn. Keiin anasy qamqorshylyq organynyń ruqsatymen sábiin qaita alyp ketken edi. Bul joly ol aýrýhanaǵa áli habarlasqan joq.
Nusqaýlyqqa sáikes eki kishkentai qyzdy bóbekter úiine, úlkenin qabyldaý-taratý ornyna jiberedi. Eger anasy kelse, oǵan qyzdary qamqorshylyq organynyń kelisimimen qaitarylady.
