ورالدا اناسىنىڭ قاراۋىنسىز قالعان ٷش قىز بالا اۋرۋحاناعا تٷستٸ

ورالدا اناسىنىڭ قاراۋىنسىز قالعان ٷش قىز بالا اۋرۋحاناعا تٷستٸ, دەپ حابارلايدى "ۇلت اقپارات".

بقو دەنساۋلىق ساقتاۋ باسقارماسىنىڭ باسپاسٶز قىزمەتٸ مەلٸم ەتكەنٸندەي, وبلىستىق كٶپبەيٸندٸ بالالار اۋرۋحاناسىنا 4, 1,2 جاسار جەنە 1 ايلىق سەبي كەشە كەشكٸسٸن جەتكٸزٸلگەن.

پوليتسييا ينسپەكتورلارىنىڭ سٶزٸنە قاراعاندا, ولاردى كٶرشٸلەرٸ شاقىرىپ, ٷشەۋٸنٸڭ ەرەسەكتەردٸڭ قاراۋىنسىز قالعانىن حابارلاعان. 

اۋرۋحانا باس دەرٸگەرٸنٸڭ ورىنباسارى يۋلييا گورياچەۆانىڭ ايتۋىنشا, بالالار قاناعاتتانارلىق جاعدايدا تٷسكەن, ەشقانداي اۋرۋ بەلگٸلەرٸ بايقالماعان. بەرٸ دە تازا, جاقسى كيٸنگەن. بٸر ايلىق سەبيدٸڭ تازا پامپەرسٸ بولعان. ول 1,5-2 ساعاتتاي اشىققان. 

اتالعان وتباسى بالالار اۋرۋحاناسىنا بۇرىننان بەلگٸلٸ. وسىنداي وقيعا بۇدان تٶرت جىل بۇرىن بولعان ەدٸ. وندا دا اناسى قىزىن قاراۋسىز قالدىرىپ, كٶرشٸلەرٸ پوليتسيياعا حابارلاعان بولاتىن. كەيٸن اناسى قامقورشىلىق ورگانىنىڭ رۇقساتىمەن سەبيٸن قايتا الىپ كەتكەن ەدٸ. بۇل جولى ول اۋرۋحاناعا ەلٸ حابارلاسقان جوق. 

نۇسقاۋلىققا سەيكەس ەكٸ كٸشكەنتاي قىزدى بٶبەكتەر ٷيٸنە, ٷلكەنٸن قابىلداۋ-تاراتۋ ورنىنا جٸبەرەدٸ. ەگەر اناسى كەلسە, وعان قىزدارى قامقورشىلىق ورگانىنىڭ كەلٸسٸمٸمەن قايتارىلادى.