Foto: Polisia.kz
Oral qalasynda 54 jastaǵy er adamnyń ólimine qatysy bar kúdikti ustaldy, dep habarlaidy Kazinform.
BQO politsiia departamentiniń baspasóz qyzmetinen málim etkenindei, oqiǵa 11 qarashada bolǵan.
«Saǵat 10.05-te oblystyq kópbeiindi aýrýhanaǵa 1969 jylǵy er adam jetkizilgen. Alǵan jaraqattary saldarynan ol aýrýhanada qaitys boldy. Múrde sot-meditsinalyq saraptamaǵa jiberildi.
Jedel izdestirý is-sharalary barysynda atalǵan qylmysty jasady degen kúdikpen Oral qalasynyń buryn sottalmaǵan 1981 jylǵy turǵyny anyqtalyp, ustaldy. Kúdikti Oral qalasy politsiia basqarmasynyń ýaqytsha ustaý izoliatoryna qamaldy.
Atalǵan derek boiynsha QR QK 106-baby 3-bóligine (abaisyzda jábirlenýshiniń ólimine ákep soqqan densaýlyqqa qasaqana aýyr ziian keltirý) sáikes sotqa deiingi tergeý amaldary júrgizilip jatyr», - dep habarlady vedomstvodan.
Aita keteiik, áleýmettik jelide marqumnyń kásipker bolǵandyǵy jazylyp jatyr.
