Oral qalasynda elýden astam kósheniń aty ózgerdi, dep habarlaidy "Ult aqparat".
BQO máslihatynan túsken málimetke qaraǵanda, sonyń ishinde birqatar kóshege elimizge keńinen tanymal adamdardyń esimderi berildi.
Atap aitqanda, Almazov kóshesi endi qazaqtyń ushqysh qyzy, Halyq qaharmany Hiýaz Dospanovanyń, Komsomol kóshesi jazýshy, memleket qairatkeri, Qazaqstannyń Eńbek Eri Ábish Kekilbaevtyń, Pridorojnaia kóshesi akademik, ǵalym Álkei Marǵulannyń, Frýnze kóshesi aqyn Qairat Jumaǵalievtiń, Chagano-Naberejnaia kóshesi Isatai-Mahambettiń atymen atalady.
Kovylnaia kóshesine jazýshy Iliias Esenberlin, Petrovskii kóshesine taǵy bir qalamger Gerold Belger, Polevaia kóshesine saiahatshy-ǵalym Grigorii Potanin, ataýsyz «21» kóshesine Shákárimniń esimderi berildi.
«Belaia kazarma» shaǵynaýdany «Aqbeket» bolyp ataldy. Sondai-aq birqatar kósheler qazaqsha ataýǵa ie boldy.
BQO ákimdigi men oblystyq máslihattyń birlesken qaýlysy men sheshimi oblystyq ádilet departamentinde tirkeldi.
