Oralda «Qarasora» jedel aldyn alý is-sharasy barysynda 22 jastaǵy turǵyn asa iri kólemdegi esirtkimen ustaldy, dep habarlaidy QazAqparat.
BQO politsiia departamenti baspasóz qyzmetinen túsken málimetke qaraǵanda, oqiǵa Saratov kóshesi boiynda bolyp, 1999 jylǵy P. degen azamat qolǵa tústi.
Onyń turǵylyqty meken-jaiyn tintý kezinde ashyq-qońyr tústi untaq tárizdi zaty bar polietilendi paket tárkilendi. Sondai-aq 2 elektrondy tarazy, polietilen paketter, 5 dana kók jáne 2 dana qara tústi elektrlik taspalar alyndy.
Saraptama qorytyndysyna sáikes tárkilengen zattar 105,37 gramm mefedron bolyp shyqty.
Kúdikti ýaqytsha ustaý izoliatoryna qamaldy.
Qazirgi kezde QR QK 296-baby 4-bóligine (asa iri kólemdegi esirtki zattaryn zańsyz saqtaý) sotqa deiingi tergeý amaldary júrgizilýde.
Eske sala keteiik, budan buryn Oral turǵynynyń arzan kólik alam dep 400 myń teńgesinen aiyrylǵanyn jazǵan bolatynbyz.
