Oralda 10 gektar jerdiń shóbi órtendi, dep habarlaidy "Ult aqparat".
BQO TJ departamenti zilzalanyń qaýip-qaterin azaitý jáne azamattyq qorǵaý salasyndaǵy baqylaý basqarmasynyń basshysy Erlan Tóregeldievtiń aitýynsha, oqiǵa 20 sáýir kúni jergilikti saǵat 13.24-te qalaǵa qarasty Komintern kenti aýdanynda oryn aldy.
Qurǵaq shópke qosa qamys pen butalar da otqa orandy.
«Tilsiz jaýdy» aýyzdyqtaýǵa 4 tehnika, 14 adam jumyldyryldy.
Qara tútini býdaqtap, ainalaǵa tarap, qala turǵyndarynyń alańdaýshylyǵyn týǵyzǵan órt saǵat 17.32-de sóndirildi.
Biyl oblysta jyl basynan beri jalpy kólemi 909 ga jerde 89 tabiǵi janý tirkeldi.
«Jazǵyturym turǵyndar qýraǵan shópti órteidi. Keide alaý jaǵý men otpen abai bolmaý, temekini sóndirmeýdiń sońy órtke ulasady. Osynyń basym kópshiligi adamdarǵa bailanysty. Qazirgidei kúrdeli ýaqytta adamdardyń úide otyrǵany mańyzdy. Eger órttiń shyǵýyna kináliler anyqtalatyn bolsa, olarǵa tótenshe jaǵdai talabyna sáikes eń qatań ákimshilik shara qoldanylatyn bolady», dedi QazAqparat tilshisine E.Tóregeldiev.
Eske sala keteiik, budan buryn Oralda 9 gektar jerdiń qurǵaq shóbi órtengenin jazǵan bolatynbyz.
