ورالدا 10 گەكتار جەردٸڭ شٶبٸ ٶرتەندٸ, دەپ حابارلايدى "ۇلت اقپارات".
بقو تج دەپارتامەنتٸ زٸلزالانىڭ قاۋٸپ-قاتەرٸن ازايتۋ جەنە ازاماتتىق قورعاۋ سالاسىنداعى باقىلاۋ باسقارماسىنىڭ باسشىسى ەرلان تٶرەگەلديەۆتٸڭ ايتۋىنشا, وقيعا 20 سەۋٸر كٷنٸ جەرگٸلٸكتٸ ساعات 13.24-تە قالاعا قاراستى كومينتەرن كەنتٸ اۋدانىندا ورىن الدى.
قۇرعاق شٶپكە قوسا قامىس پەن بۇتالار دا وتقا وراندى.
«تٸلسٸز جاۋدى» اۋىزدىقتاۋعا 4 تەحنيكا, 14 ادام جۇمىلدىرىلدى.
قارا تٷتٸنٸ بۋداقتاپ, اينالاعا تاراپ, قالا تۇرعىندارىنىڭ الاڭداۋشىلىعىن تۋعىزعان ٶرت ساعات 17.32-دە سٶندٸرٸلدٸ.
بيىل وبلىستا جىل باسىنان بەرٸ جالپى كٶلەمٸ 909 گا جەردە 89 تابيعي جانۋ تٸركەلدٸ.
«جازعىتۇرىم تۇرعىندار قۋراعان شٶپتٸ ٶرتەيدٸ. كەيدە الاۋ جاعۋ مەن وتپەن اباي بولماۋ, تەمەكٸنٸ سٶندٸرمەۋدٸڭ سوڭى ٶرتكە ۇلاسادى. وسىنىڭ باسىم كٶپشٸلٸگٸ ادامدارعا بايلانىستى. قازٸرگٸدەي كٷردەلٸ ۋاقىتتا ادامداردىڭ ٷيدە وتىرعانى ماڭىزدى. ەگەر ٶرتتٸڭ شىعۋىنا كٸنەلٸلەر انىقتالاتىن بولسا, ولارعا تٶتەنشە جاعداي تالابىنا سەيكەس ەڭ قاتاڭ ەكٸمشٸلٸك شارا قولدانىلاتىن بولادى», دەدٸ قازاقپارات تٸلشٸسٸنە ە.تٶرەگەلديەۆ.
ەسكە سالا كەتەيٸك, بۇدان بۇرىن ورالدا 9 گەكتار جەردٸڭ قۇرعاق شٶبٸ ٶرتەنگەنٸن جازعان بولاتىنبىز.
