Foto: Medet Medresov, mgorod.kz
Oralda joldaǵy shuńqyrdy ainalyp ótken áielge aiyppul salynǵan. Ol sotqa júgindi, - dep habarlaidy Tengrinews.kz saity "Moi GOROD" portalyna silteme jasap.
14 sáýirde basylym redaktsiiasyna Oral qalasynyń turǵyny Damira Smanqulova habarlasty. Ol joldaǵy tereń shuńqyrdy ainalyp ótkeni úshin aiyppul salǵanyna ashýly. Sodan keiin áiel hattamaǵa qol qoiýdan bas tartqan.
Oral qalalyq jol politsiiasynyń aǵa inspektory Rýslan Asanov áiel manevr jasaǵan kezde burylys signalyn qospaǵanyn atap ótti.
"Men muny baiqap, ony toqtattym. Men ózimdi tanystyrdym. Qujattardy suradym. Tártip buzýshylyq týraly habarladym. Ol balaǵattai bastady. Bul balaǵattaý beinejazbada bar, men ony berdim. Eger júrgizýshi ózin laiyqty ustasa, men profilaktikalyq áńgime júrgizip, ony ákimshilik aiyppul túrindegi jaza qoldanbai jiberer edim. Biraq júrgizýshi jónsiz áreket jasaǵandyqtan, men bárin zań boiynsha qoldandym", - dep qorytyndylady inspektor.
Bul rette politsei jol erejesin buzý sáti beinejazbada joqtyǵyn túsindirdi. Oral qalasynyń ákimshilik sotynyń sýdiasy Botagóz Baimuhanova protseske qatysýshylardan qajetti qujattardy usynýdy surap, sot otyrysyn keiinge qaldyrdy.
