Sýret: Polisia.kz
Oral turǵyny tanysyn óltirip, keiin politsiiaǵa ózi habarlady, - dep habarlaidy "Ult aqparat" Ishki ister ministrliginiń Telegram-arnasyna silteme jasap.
Qańtardyń 23-inen 24-ine qaraǵan túni 1966 jáne 1970 jyly týǵan eki tanys ishimdik iship, keiin otyrysty 1966 jylǵy jábirlenýshiniń úiinde jalǵastyrmaqshy bolǵan olar jol-jónekei sózge kelispei, úidiń aldynda judyryqtasyp, 56 jastaǵy azamatqa dene jaraqatyn salǵan. Soqqydan qulaǵan jábirlenýshi sol jerde kóz jumǵan. Al kúdikti oqiǵa ornynan qashyp ketken.
Úidiń ainalasy temir qaqpamen qorshalǵandyqtan, aýla ishinde 2 kún jatyp qalǵan adamdy eshkim baiqamaidy.
Qańtardyń 26-sy kúni kúdiktiniń ózi politsiia qyzmetkerlerine habarlasyp, tanys dosynyń essiz jatqanyn aitady. Politsiia qyzmetkerleri oqiǵa ornyn tekserip, barlyq aiǵaqtardy jinap, kisi ólimine politseilerdi shaqyrǵan tanysynyń qatysy bar ekenin anyqtap, qolǵa túsiredi.
Qazir 1970 jyly týǵan kúdikti ýaqytsha ustaý izoliatoryna qamaýǵa alynǵan.
Atalǵan fakti QR QK-niń 99-baby 1-bóligine sáikes sotqa deiingi tergep-tekserýdiń biryńǵai tizilimine tirkelgen. Tergeý amaldary júrgizilip jatyr.
