Foto: mgorod.kz
Oraldaǵy saýda ortalyǵynda áiel jaralanyp qaldy, - dep habarlaidy Tengrinews.kz portaly "Moi gorod" basylymyna silteme jasap.
Oqiǵa 25 jeltoqsanda saýda oiyn-saýyq ortalyǵynda bolǵan. BQO Densaýlyq saqtaý basqarmasynyń baspasóz qyzmetiniń málimetine qaraǵanda, qońyraý saǵat 10.03-te túsken.
"Oń aiaǵynyń úshten bir bóligi jyrtylyp, jaraqattanǵan 1982 jylǵy áiel oblystyq kópsalaly aýrýhanaǵa jetkizildi. Aiaǵy eskalatorǵa qysylyp qalǵan", - deidi vedomstvonyń baspasóz qyzmeti ókilderi.
Bul aqparatty politsiia da rastady.
"Aldyn ala málimet boiynsha, oqiǵa kelýshiniń óz abaisyzdyǵynan bolǵan. Qazirgi ýaqytta politsiia oqiǵanyń mán-jaiyn anyqtap jatyr", - deidi BQO PD baspasóz qyzmeti ókilderi.
Saýda ortalyǵynyń ákimshiliginen aqparat alý múmkin bolmaǵan. Operatorlar basshylyq qazir joq ekenin aityp, dúisenbide qaita habarlasýdy ótingen.
Bul rette oqiǵa kýágerleri "MG" redaktsiiasyna saýda ortalyǵyndaǵy jartylai bólshektelgen eskalatordyń sýretin joldaǵan. Alaida, oqiǵanyń dál sonda bolǵan-bolmaǵany ázirge belgisiz.
