Oral qalasynda pyshaq jaraqatyn alǵan áiel jansaqtaý bólimine tústi, dep habarlaidy "Ult aqparat".
BQO Politsiia departamentiniń baspasóz qyzmetinen málim etkenindei, oqiǵa 26 sáýir kúni saǵat 00.10-da Qurmanǵazy kóshesi boiyndaǵy úidiń kireberisinde boldy.
«Buryn sottalǵan 1983 jylǵy turǵyn 1988 jylǵy áiel men 1989 jylǵy er adamdy pyshaqtaǵan. Sonyń saldarynan áiel oblystyq kópbeiindi aýrýhananyń jansaqtaý bólimine jatqyzyldy. Er adam dáriger qaraǵannan keiin úiine jiberildi. Qazirgi kezde QR QK 106-baby 1-bóligine (qasaqana aýyr dene jaraqatyn salý) sáikes sotqa deiingi tergeý amaldary júrgizilýde», - dep habarlady vedomstvodan.
Oblystyq Densaýlyq saqtaý basqarmasynyń naqtylaýynsha, oqiǵa Qurmanǵazy kóshesi 163-úide bolyp, jedel járdemge saǵat 00.20-da qońyraý shalyndy. Brigada jetken kezde keýde tusy men jambasynan pyshaq jaraqatyn alǵan áiel páterden tabylǵan. Ishinen jaraqat alǵan er adam mas kúiinde kóshede bolǵan.
