Batys Qazaqstan oblysynyń mamandandyrylǵan aýdanaralyq sotynda Serikjan Ádilovke qatysty úkim shyǵardy, dep habarlaidy Sputnik jergilikti Moi Gorod portalyna silteme jasap.
58 jastaǵy qylmysker "Ǵimarat" JShS-da kúzetshi bolyp qyzmet etipti. 3 naýryz kúni keshki 20:00-de áriptesi Marat Cherniiazovpen ishimdik ishken. Ekeýi sózge kelip qalyp, Cherniiazov Ádilovke soqqy jasaǵan. Ol da jaýap berdi. Soqqynyń qatty bolǵany sonshalyq, Cherniiazov esinen tanyp qalǵan. Al Ádilov bolsa, áriptesin urýyn toqtatpaǵan.
Ádilov Cherniiazovtyń bas súiegin syndyryp jibergen. Máiitti kereýettiń astyna tyǵyp qoiyp, 27 kún boiy ózi de sol bólmede turǵan. Adamnyń denesin júrgizýshilerdiń biri taýyp alypty.
Tergeý kezinde qaitys bolǵan Cherniiazovtyń Ádilovti qaiǵyly oqiǵaǵa deiin birneshe márte soqqyǵa jyqqany anyqtaldy. Ekeýi de otbasynan ketip, jumys ornynda turǵan.
Sot Ádilovti QR Qylmystyq kodeksiniń 99-baby (adam óltirý) boiynsha kináli dep tanydy. Qylmysker on jylǵa deiin bas bostandyǵynan aiyryldy.
Sot úkimi zańdy kúshine engen joq.
